Eg vil at NRK skal senda Løvebakken igjen fordi eg saknar det.

❤

Sist veke var eg saman med foreldra mine, syster og Bestemor på Austlandet (nærmare bestemt Hedmark) for å besøke systrene til mamma og få møte det første oldebarnet til Bestemor som er født tidligare i år. Det er koseleg å treffe familie som ein ikkje møter på nokre år. Eg handla meg blant anna postkort av Budeia som rir på Purka (kjøpte òg ti postkort som eg skal sende til folk rundt i verda), to putetrekk frå Kremmerhuset (som eg berre betalte 20 kr for, men det kosta eigentleg 69,-) +++. Av Mamma fekk eg den fine Mummi-samleboksen som er nydeleg ❤

Eg har elles rydda ut av rommet mitt og inn på det minste soverommet i huset, men det gjere ingenting fordi rommet er nokså så koseleg + tilgongen på det tråløse nettverket er heilt umerket (hehe ;)) Elles har eg vore på loftet kor eg kosa meg (les: rota meir enn eg rydda) kor eg fant ut at vepsane hadde eit hus der oppe, men eg fant meg likevel ein del ting: eit analog kamera som eg lekte ein del med som liten, ein brun skinnveske og nokre anna småting. Elles fant Mamma to lysebrune skinnvesker som eg har ønska meg lenge og som er i dag moderne.

Eg likar å finne ting som eg har gløymt at eg har hatt som for eksempel postkort av tigere som eg kjøpte då eg var i India med Folkehøgskulen for over 2 år sidan. 
 
(Det er lite batteri på kamera, så bilete kommer ein annan gong)

«Without paper, it couldn’t have happened. Unless you had a camera»
  – Michael Scott

The Office – 3×16 – Business School

Er ikkje desse putetrekka som ein kan lage sjølv fine? Ein dag i framtida vil eg prøve å lage nokre av desse.
Du finner oppskrifta her

Nå er det omlag 4 år sidan eg starta å høyra på Hayley Westenra.

Fine, fine songen som eg har høyrt på mest

Fant nettopp ein av dei finaste kortfilmane eg nokon gong har sett. Du kan sjå den her

Eg fant nokre bilete eg tok i fjor av pannekakene (med frosne blåbær)

Alice in Wonderland frå 1903

For 107 år sidan blei Alice in Wonderland laga for første gong.

«A good head and a good heart are always a formidable combination.»
 – Nelson Mandela

Eg veit ikkje kvifor eg ikkje har blogga på snart to veker, eg har ikkje hatt problem med visdomstennene mine eller noko sånt, og inspirasjonen min er det heller ikkje noko i vegen med heller.

Nå er eg heime hos foreldra mine + lillesøs + undulaten til søs, Lykke. Då eg kom heim etter nokre veker vekke hadde dei nettopp kommet heim etter nokre dagar i Sverige (Alle veit kva det betyr: snop og boksbrus (som eg faktisk får svart tunge av)). Eg fekk nok ein gong bevis på at søs og eg er i slekt fordi ho (rettare sagt Mamma) kjøpte ein Marilyn Monroe toalettmappe frå Søstrene Grene som eg faktisk har sikla over i lengre tider. Elles fekk eg ein liten lommebok, nokre fine postkort med fine Carl Larsson motiv og ein av dei beste sjokoladane i heile verda: kvit Toblerone.

Er det nokre som hugsar Flåklypa spelet som kom ut for over ti år sidan? For ikkje lenge sidan kom det ut på Nintendo DS, og sidan lillesøs har DS og Mamma har kjøpt spelet fekk eg spela det for første gong på fleire år. Må innrømma at eg ikkje hugsa særleg frå det før eg starta på det i dag, men etter kvart hugsa eg korleis ein skulle gjera det. Kva var det du likte best med spelet?

I morgon burde eg rydda meir ting ut av rommet mitt og kaste (eller gi vekk) ting som eg ikkje treng lenger. Eg gler meg til å bli ferdig både der og på gjesterommet. Eg finn slike ting ganske så kjedeleg til tider, men eg tenkje om eg høyre på Spotify så blir eg ferdig på null komma niks.